បេសកកម្មរបស់កងកម្លំាងដែលមានកាតព្វកិច្ចទម្លាក់គ្រាប់បែកអាមេរិកបង្ហាញពីសមត្ថភាពយោធាដែលអាចជឿទុកចិត្តបានក្នុងការរក្សាសន្តិភាពនៅឥណ្ឌូប៉ាស៊ីហ្វិក

ទីបញ្ជាការយុទ្ធសាស្ត្ររបស់សហរដ្ឋអាមេរិក

បេសកកម្មរបស់កងកម្លំាងដែលមានកាតព្វកិច្ចទម្លាក់គ្រាប់បែក (BTF) បង្ហាញពីសមត្ថភាពរបស់សហរដ្ឋអាមេរិកក្នុងការត្រួតពិនិត្យយ៉ាងមានប្រសិទ្ធភាពលើកងកម្លាំងទម្លាក់គ្រាប់បែករបស់ខ្លួនលើគ្រប់បេសកកម្មដែលបានចាត់តាំងទាំងអស់ នៅគ្រប់ទីកន្លែងក្នុងពិភពលោក នៅគ្រប់ពេលវេលា ហើយជារឿយៗមានធ្វើសមាហ័រណ និងការហ្វឹកហ្វឺនជាមួយសម្ព័ន្ធមិត្ត និងដៃគូនានានៅទូទាំងតំបន់។

នៅឆ្នាំ 2023 បេសកកម្ម BTF បានបង្ហាញឱ្យឃើញជាប្រចាំនិងយ៉ាងជាក់ស្តែងថា សម្ព័ន្ធមិត្ត និងដៃគូរួមគ្នាមានភាពរឹងមាំ និងមានប្រសិទ្ធភាពជាងមុនក្នុងការទប់ស្កាត់ការគំរាមកំហែង និងការការពារតម្លៃ និងផលប្រយោជន៍រួម។

កាលពីខែកុម្ភៈ យន្តហោះទម្លាក់គ្រាប់ B-1B Lancers របស់កងទ័ពអាកាសអាមេរិក ដែលជាយន្តហោះទម្លាក់គ្រាប់បែកធុនធ្ងន់រយៈចម្ងាយឆ្ងាយ ដែលអាចផ្ទុកអាវុធធម្មតាដែលកំណត់គោលដៅបានច្បាស់ និងមិនកំណត់គោលដៅបានច្រើនធំបំផុតនៅក្នុងសារពើភ័ណ្ឌរបស់កងទ័ពអាកាស បានចុះចតនៅមូលដ្ឋានទ័ពអាកាស Andersen កោះ Guam ដើម្បីបំពេញបេសកកម្ម BTF។ បេសកកម្មនេះបង្ហាញពីសមត្ថភាពរបស់សហរដ្ឋអាមេរិកក្នុងការដាក់ពង្រាយយ៉ាងឆាប់រហ័ស គ្រប់ទីកន្លែង គ្រប់ពេលវេលា និងដើម្បីផ្តល់នូវជម្រើសនៃការវាយប្រហារជាសកលដ៏ជាក់លាក់សម្រាប់មេបញ្ជាការប្រយុទ្ធ។

លោកវរសេនីយ៍ទោ Jeffrey Carter មេបញ្ជាការផ្នែកប្រតិបត្តិការនៃកងអនុសេនាធំបេសកកម្មទម្លាក់គ្រាប់បែកទី 34 បានលើកឡើងថា៖ «បេសកកម្មរបស់យើងនៅទីនេះដើរតួយ៉ាងសំខាន់ក្នុងការធានាឱ្យតំបន់ថាមវន្តនៅទីនេះមិនមានការបង្ខិតបង្ខំ និងអាចចូលដំណើរការបានសម្រាប់មនុស្សគ្រប់គ្នា»។

ក្នុងខែមីនា យន្តហោះទម្លាក់គ្រាប់បែកបានធ្វើសមយុទ្ធដែនអាកាសរួមបញ្ចូលគ្នាជាមួយយន្តហោះចម្បាំងបំបាំងខ្លួនពីរាដ៉ា F-35A Lightning II របស់កងទ័ពអាកាសសាធារណរដ្ឋកូរ៉េ (កូរ៉េខាងត្បូង) និងយន្តហោះចម្បាំង F-16 Fighting Falcon របស់សហរដ្ឋអាមេរិកនៅលើឧបទ្វីបកូរ៉េ។

ជាមួយគ្នានោះ កូរ៉េខាងត្បូង និងសហរដ្ឋអាមេរិកមានជំហរការពាររួមបញ្ចូលគ្នាដ៏រឹងមាំ និងបន្តពង្រឹងអន្តរប្រតិបត្តិការ បង្កើនសមត្ថភាពដាក់ពង្រាយនៃកងកម្លាំងឆ្លើយតបដែលអាចបត់បែនបាន និងបង្កើនសមត្ថភាពវាយប្រហារជាយុទ្ធសាស្ត្រក្នុងសម័យសង្គ្រាមឱ្យរឹងមាំ។

យន្តហោះ B-1B Lancers បានបញ្ចប់ការដាក់ពង្រាយយន្តហោះទាំងនេះតាមរយៈការចូលរួមនៅក្នុងសមយុទ្ធ Cope India 2023 ជាមួយនឹងកងទ័ពអាកាសឥណ្ឌា។ សមយុទ្ធទ័ពអាកាសអាមេរិកប៉ាស៊ីហ្វិក (PACAF) ដ៏យូរអង្វែងនេះបានពង្រឹងកិច្ចសហប្រតិបត្តិការរវាងឥណ្ឌា និងសហរដ្ឋអាមេរិក និងកសាងបន្ថែមលើសមត្ថភាពដែលមានស្រាប់ យុទ្ធសាស្ត្រអាកាសយានិក និងការងារកងកម្លាំង។ ការធ្វើឡើងម្តងទៀតនេះបានកត់សម្គាល់ឱ្យឃើញពីការចូលរួមរបស់យន្ដយោះ B-1B Lancer ជាលើកដំបូងនៅក្នុងសមយុទ្ធជាមួយប្រទេសឥណ្ឌា។

ភាពជាដៃគូរវាងកងកម្លាំងឥណ្ឌា និងសហរដ្ឋអាមេរិកនៅតែបន្តរីកចម្រើនតាមរយៈការចែករំលែកព័ត៌មាន មន្ត្រីទំនាក់ទំនង កិច្ចព្រមព្រៀងដែលអនុញ្ញាតឱ្យការពារជាតិ និងសមយុទ្ធកាន់តែជឿនលឿនដូចជាសមយុទ្ធ Cope India ជាដើម។ លោកវរសេនីយ៍ទោ Jared Tomlin មេបញ្ជាការរងនៃក្រុមប្រតិបត្តិការទី 28 ដែលបានដឹកនាំកងអនុសេនាធំទម្លាក់គ្រាប់បែកទី 34 នៅក្នុងប្រទេសឥណ្ឌាបានលើកឡើងថា៖ «ឱកាសដូចជាសមយុទ្ធ Cope India ជាដើម ជាការបង្កើនការយល់ដឹងទៅវិញទៅមករបស់យើង ដែលអនុញ្ញាតឱ្យមានការសន្ទនាបើកចំហ និងការផ្លាស់ប្តូរគំនិតដែលនឹងផ្តល់ផ្លែផ្កាឆ្ពោះទៅមុខបន្តទៀត»។

ការបង្កើនសមត្ថភាពប្រយុទ្ធ និងការធ្វើឱ្យប្រសើរឡើងនូវភាពឆបគ្នានៃអ្នកចម្បាំងរវាងកងទ័ពអាកាសឥណ្ឌា និងសហរដ្ឋអាមេរិក ដែលបង្ហាញពីការខិតខំប្រឹងប្រែង និងការប្តេជ្ញាចិត្តរបស់ប្រទេសជាតិចំពោះស្ថិរភាព និងសន្តិសុខក្នុងតំបន់។

មិនយូរប៉ុន្មាន យន្តហោះទម្លាក់គ្រាប់បែក B-1B បានចាកចេញពីកោះ Guam ក្នុងខែមេសា ហើយអាកាសយានិកជាង 210 នាក់ និងយន្តហោះទម្លាក់គ្រាប់បែក B-52 Stratofortress ចំនួនបួនបានមកដល់ ដើម្បីបន្តគាំទ្រការហ្វឹកហ្វឺន PACAF ជាមួយសម្ព័ន្ធមិត្ត និងដៃគូ និងកងកម្លាំងរួម។

ប្រតិបត្តិការ BTF គាំទ្របេសកកម្មបញ្ជាការឥណ្ឌូប៉ាស៊ីហ្វិករបស់អាមេរិក ដោយផ្តល់ឱកាសឱ្យអាកាសយានិកថ្នឹកជាមួយប្រតិបត្តិការនៅក្នុងបរិយាកាសរួម និងសម្ព័ន្ធភាព។ BTF ក៏ជួយឱ្យយន្តហោះទម្លាក់គ្រាប់បែកផ្តោតលើវិសាលគមពេញលេញនៃប្រតិបត្តិការយោធា រួមទាំងបេសកកម្មប្រយុទ្ធ និងជំនួយមនុស្សធម៌ និងការសង្គ្រោះគ្រោះមហន្តរាយផងដែរ។

លោកវរសេនីយ៍ទោ Vanessa Wilcox មេបញ្ជាការកងអនុសេនាធំទម្លាក់គ្រាប់បែកទី 96 នៅមូលដ្ឋានទ័ពអាកាស Barksdale រដ្ឋ Louisiana បានលើកឡើងថា៖ «កងកម្លាំងទម្លាក់គ្រាប់បែក និងជាពិសេសយន្តហោះ B-52 នៅក្នុងតំបន់ឥណ្ឌូ-ប៉ាស៊ីហ្វិក មិនត្រឹមតែអនុញ្ញាតឱ្យកងកម្លាំងយានិករបស់យើងពង្រឹងជំនាញបច្ចេកទេស និងប្រព័ន្ធអាវុធដ៏ល្អអស្ចារ្យរបស់ពួកគេប៉ុណ្ណោះទេ ប៉ុន្តែថែមទាំងផ្ញើសារដ៏សំខាន់មួយផងដែរ»។ «ចំណុចនេះបង្ហាញពីការបន្តការត្រៀមខ្លួន និងការប្តេជ្ញាចិត្តរបស់យើងចំពោះសម្ព័ន្ធមិត្តរបស់យើងនៅក្នុងតំបន់ ដើម្បីធានាបាននូវសេរីភាពនៃការធ្វើចលនានាពេលនេះ និងនៅពេលអនាគត ក៏ដូចជាធានាឱ្យបាននូវស្ថិរភាពនៅក្នុងតំបន់»។

ឧទាហរណ៍អំពីការហ្វឹកហ្វឺននេះបានកើតឡើងកាលពីដើមខែមេសា នៅពេលដែលយន្តហោះទម្លាក់គ្រាប់បែកពីរគ្រឿងរបស់កងទ័ពអាកាសអាមេរិកនេះ រួមជាមួយនឹងយន្តហោះ​ដឹក​ប្រេង KC-135 ពីរគ្រឿង និងយន្តហោះចម្បាំង F-35 ចំនួនបួនគ្រឿង រួមបញ្ចូលជាមួយយន្តហោះចម្បាំង F-15 របស់ជប៉ុនចំនួនបួននៅលើសមុទ្រជប៉ុន ដែលជាឧទាហរណ៍ស្ដីពីសមត្ថភាពរបស់សម្ព័ន្ធភាពក្នុងការឆ្លើយតបយ៉ាងរហ័ស និងច្បាស់លាស់ចំពោះការគំរាមកំហែងប្រឆាំងនឹងប្រទេសជប៉ុន។

មិនយូរប៉ុន្មានក្រោយមក យន្តហោះ F-35A របស់កងទ័ពអាកាសកូរ៉េខាងត្បូង និងយន្តហោះ F-16 Fighting Falcons របស់កងទ័ពអាកាសសហរដ្ឋអាមេរិកបានអមដំណើរយន្តហោះទម្លាក់គ្រាប់បែកយុទ្ធសាស្ត្រ B-52H ពីរគ្រឿង នៅពេលដែលយន្តហោះទាំងនោះបានចូលទៅក្នុងតំបន់កំណត់អត្តសញ្ញាណការពារដែនអាកាសកូរ៉េ សម្រាប់ប្រតិបត្តិការហោះហើររួមបញ្ចូលគ្នា។ ការហ្វឹកហ្វឺននេះបានអនុញ្ញាតឱ្យសម្ព័ន្ធមិត្តកូរ៉េខាងត្បូងនិងសហរដ្ឋអាមេរិកពង្រឹងបន្ថែមទៀតនូវអន្តរប្រតិបត្តិការ ដោយបង្ហាញពីសមត្ថភាពការពារជាតិរួមបញ្ចូលគ្នា និងផ្តល់នូវការទប់ស្កាត់បន្ថែមទៀតសម្រាប់ឧបទ្វីបកូរ៉េ។

យន្តហោះទម្លាក់គ្រាប់បែកនេះក៏បានគាំទ្របេសកកម្មយុទ្ធសាស្ត្រ ដោយបានហោះហើរជាង 412 ម៉ោងនៅពេលដាក់ពង្រាយនៅឥណ្ឌូប៉ាស៊ីហ្វិក និងបំពេញការវាយប្រហារ 29 ប្រភេទផងដែរ ខណៈពេលដែលរួមបញ្ចូលជាមួយដៃគូសម្ព័ន្ធមិត្តចំនួនបួន និងយន្តហោះនៃកងកម្លាំងរួមចំនួន 30 ដែលមាន 10 ប្រភេទ។ ការធ្វើសមាហរណកម្មរបស់កងទ័ពអាកាស និងកងទ័ពជើងទឹកអាមេរិក គឺផ្តោតយ៉ាងខ្លាំងលើការពង្រឹងការរួមបញ្ចូលយន្តហោះទម្លាក់គ្រាប់បែកជាមួយនឹងសង្គ្រាមដែនសមុទ្រ។

នៅក្នុងខែមិថុនា និងខែកក្កដា ទាហានអាកាសអាមេរិកចំនួន 200 នាក់ និងយន្តហោះទម្លាក់គ្រាប់បែក B-52H Stratofortresses ចំនួនបួនបានមកដល់កោះ Guam ដើម្បីបន្តការរួមបញ្ចូលសមត្ថភាពយន្តហោះទម្លាក់គ្រាប់បែកជាយុទ្ធសាស្ត្រនៅក្នុងបរិយាកាសរួម និងចម្រុះ។ លោកវរសេនីយ៍ទោ Ryan Loucks មេបញ្ជាការកងអនុសេនាធំទម្លាក់គ្រាប់បែក BTF ទី 23 បានលើកឡើងថា៖ «ការហ្វឹកហ្វឺន និងប្រតិបត្តិការនៅក្នុងកម្រិតតំបន់អាទិភាព អនុញ្ញាតឱ្យយើងបង្ហាញពីការត្រៀមខ្លួន ឆន្ទៈ និងការប្តេជ្ញាចិត្តជាបន្តរបស់យើងចំពោះសម្ព័ន្ធមិត្ត និងដៃគូរបស់យើង»។

បន្ទាប់មក យន្តហោះ B-1B Lancers យន្តហោះ B-2 Spirits និងយន្តហោះ B-52H Stratofortresses របស់កងទ័ពអាកាសអាមេរិក ដែលរួមបញ្ចូលនៅក្នុងបេសកកម្មរួមគ្នាមួយនៅឯមូលដ្ឋានរួមគឺ Elmendorf-Richardson, Alaska ដែលជាកន្លែងដែលយន្តហោះបានអនុវត្តបេសកកម្មហ្វឹកហ្វឺនជាកញ្ចប់នៃកម្លាំង ដើម្បីពង្រឹងសមត្ថភាពអន្តរប្រតិបត្តិការ និងការប្រមូលផ្តុំយន្តហោះទម្លាក់គ្រាប់បែក។ ក្រុមការងារប្រតិបត្តិការនៃវេទិកាយន្តហោះទម្លាក់គ្រាប់បែករបស់សហរដ្ឋអាមេរិកទាំងបី ផ្តល់ឱ្យមេបញ្ជាការកម្រិតតំបន់នូវជម្រើសបន្ថែម និងមានភាពបត់បែនបន្ថែមទៀតចំពោះការប្រើប្រាស់កម្លាំងតាមដែនអាកាសនៅក្នុងសេណារីយ៉ូប្រយុទ្ធ។

នាយឧត្តមសេនីយ Ken Wilsbach មេបញ្ជាការ PACAF បានលើកឡើងថា៖ «ការពង្រឹងសមត្ថភាពនោះនៅក្នុងកងកម្លាំងទម្លាក់គ្រាប់បែករបស់យើង គឺមានសារៈសំខាន់ណាស់ក្នុងការធានាថា យើងអាចផ្តល់នូវការរារាំងដ៏គួរឱ្យទុកចិត្ត និងមានប្រសិទ្ធភាព និងដើម្បីឆ្លើយតបទៅនឹងវិបត្តិណាមួយនៅទូទាំងពិភពលោក»។

កាលពីខែតុលា យន្តហោះចម្បាំង F-16 របស់កងទ័ពអាកាសអាមេរិក យន្តហោះ F-2 របស់ JASDF និងយន្តហោះ F-15K របស់កងទ័ពអាកាសកូរ៉េខាងត្បូងបានធ្វើការហោះហើរការពារយន្តហោះ B-52H Stratofortress របស់សហរដ្ឋអាមេរិកបែបត្រីភាគី ដែលកំពុងប្រតិបត្តិការនៅឥណ្ឌូប៉ាស៊ីហ្វិក។ សមយុទ្ធនេះបានពង្រឹងអន្តរប្រតិបត្តិការ និងបង្ហាញពីភាពរឹងមាំនៃទំនាក់ទំនងត្រីភាគី។

នៅខែដដែលនោះ យន្តហោះ B-52H Stratofortress ដែលមានសមត្ថភាពប្រើប្រាស់អាវុធនុយក្លេអ៊ែររបស់សហរដ្ឋអាមេរិកបានចុះចតនៅលើឧបទ្វីបកូរ៉េ ដើម្បីចូលរួមក្នុងការតាំងពិព័រណ៍អាកាសចរណ៍ និងការពារអន្តរជាតិទីក្រុងសេអ៊ូល (ADEX) ឆ្នាំ 2023 និងការរំលឹកខួបលើកទី 70 នៃសម្ព័ន្ធភាពកូរ៉េខាងត្បូង-សហរដ្ឋអាមេរិក។ យន្តហោះទម្លាក់គ្រាប់បែកធុនធ្ងន់ រយៈចម្ងាយឆ្ងាយ ដ៏ល្បីល្បាញ បានសម្ដែងក្បួនហោះហើរក្នុងអំឡុងពេលពិព័រណ៍នេះ បង្ហាញពី ការប្តេជ្ញាចិត្តរបស់សហរដ្ឋអាមេរិកចំពោះស្ថិរភាព និងសន្តិសុខរបស់ប្រទេសកូរ៉េខាងត្បូង និងតំបន់ ការលើកកម្ពស់ស្តង់ដារ និងអន្តរប្រតិបត្តិការនៃបរិក្ខារ និងការបង្ហាញសមត្ថភាពដ៏សំខាន់ចំពោះជោគជ័យផ្នែកយោធា។

ក្នុងអំឡុងពេលសម្ដែងក្បួនហោះហើរយន្តហោះ B-52H ដែលជាយន្តហោះដំបូងគេដែលចុះចតនៅលើឧបទ្វីបក្នុងរយៈពេល 30 ឆ្នាំបានហោះហើរជាមួយ F-35A របស់កងទ័ពអាកាសកូរ៉េខាងត្បូង ដូចជាពាក្យពេចន៍ដែលលោក Wilcox បានពិពណ៌នាថាជា «ឱកាសដ៏អស្ចារ្យ»។

លោកឧត្តមសេនីយ៍ឯក Scott Pleus មេបញ្ជាការកងទ័ពអាកាសទី 7 និងជាមេបញ្ជាការរងនៃកងកម្លាំងអាមេរិក កូរ៉េបានថ្លែងថា៖ សម្ព័ន្ធភាពកូរ៉េខាងត្បូង និងសហរដ្ឋអាមេរិក «បានបង្ហាញពីភាពរឹងមាំដូចដែកថែបក្នុងការប្រឈមមុខនឹងបញ្ហាជាច្រើនទសវត្សរ៍មកហើយ។ វាស្ថិតក្នុងចំណោមសម្ព័ន្ធភាពទ្វេភាគីដែលអាចធ្វើអន្តរប្រតិបត្តិការ មានសមត្ថភាព និងថាមវន្តបំផុតនៅក្នុងពិភពលោក»។ «យើងមានកិត្តិយសក្នុងការបង្ហាញពីការប្តេជ្ញាចិត្តរបស់យើងចំពោះភាពជាដៃគូនេះ ដែលជាផ្នែកមួយនៃការបន្តសន្យារបស់យើងក្នុងការលើកកម្ពស់សន្តិភាព ស្ថិរភាព និងវិបុលភាពនៅលើឧបទ្វីបកូរ៉េ»។

នៅ​ក្នុង​ពិព័រណ៍ ADEX ផងដែរ សមាជិកកងកម្លាំងប្រដាប់អាវុធអាមេរិកប្រហែល 200 នាក់បានបង្ហាញពីធនធានដែលមានសមត្ថភាព និងមានលទ្ធភាពបង្កគ្រោះថ្នាក់ ផ្សេងទៀតនៅក្នុងការបង្ហាញនៅលើដី ហោះនៅលើអាកាស និងការបង្ហាញពីលើអាកាស រួមទាំងយន្តហោះ F-22 Raptor យន្តហោះ F-35B Lightning II និងយន្តហោះដឹកជញ្ជូន យុទ្ធសាស្ត្រ និងយន្តហោះស៊ើបការណ៍សម្ងាត់ និងយន្តហោះឈ្លបយកការណ៍ផងដែរ។ វត្តមានរបស់ពួកគេបានពង្រឹងទំនាក់ទំនង​សាធារណរដ្ឋ​កូរ៉េ និងសហរដ្ឋអាមេរិកដោយការបើកការសន្ទនាទល់មុខជាមួយសម្ព័ន្ធមិត្ត និងដៃគូ ដែលជំរុញឱ្យមានអន្តរប្រតិបត្តិការ និងការយល់ដឹងគ្នាទៅវិញទៅមក។

ពេញមួយឆ្នាំ 2023 និងលើសពីនេះ បេសកកម្ម BTF បង្ហាញថា សហរដ្ឋអាមេរិក និងសម្ព័ន្ធមិត្ត និងដៃគូរបស់ខ្លួននៅក្នុងឥណ្ឌូប៉ាស៊ីហ្វិកត្រូវបានចូលរួម រៀបចំជំហរ និងត្រៀមខ្លួនជាមួយនឹងកងកម្លាំងដែលអាចទុកចិត្តបាន ដើម្បីធានា រារាំង និងការពារទឹកដីអធិបតេយ្យភាពប្រឆាំងនឹងការឈ្លានពាននៅក្នុងបរិយាកាសសន្តិសុខដែលកាន់តែជឿនលឿន។

ទស្សនាវដ្តី FORUM បានផ្អាកការបកប្រែអត្ថបទប្រចាំថ្ងៃសម្រាប់គេហទំព័រជាភាសាខ្មែរ។ សូមមើលភាសាដទៃទៀតសម្រាប់ខ្លឹមសារប្រចាំថ្ងៃ។