ថ្នាក់ដឹកនាំជប៉ុនប្តេជ្ញាពង្រឹងសម្ព័ន្ធភាពក្នុងវិស័យការពារជាតិជាមួយអាមេរិក
នាយករដ្ឋមន្ត្រីជប៉ុនលោក Fumio Kishida ក្នុងខែមករា ឆ្នាំ 2023 បានសន្យាថានឹងពង្រឹងសម្ព័ន្ធភាពរបស់ប្រទេសលោកជាមួយសហរដ្ឋអាមេរិកឱ្យកាន់តែស៊ីជម្រៅ ក្រោមគោលនយោបាយការពារជាតិថ្មីរបស់ប្រទេសជប៉ុន ដែលពង្រឹងយ៉ាងរឹងមាំនូវជំហរការពារស្វ័យភាពផ្តាច់មុខរបស់ខ្លួនក្នុងការប្រឈមមុខនឹងភាពតានតឹងក្នុងតំបន់ដែលកំពុងកើនឡើង។
ការអត្ថាធិប្បាយរបស់លោក Kishida បានធ្វើឡើងនៅមុនដំណើរទស្សនកិច្ចកាលពីពាក់កណ្តាលខែមករារបស់លោកទៅកាន់ទីក្រុងវ៉ាស៊ីនតោនឌីស៊ី សម្រាប់កិច្ចពិភាក្សាជាមួយប្រធានាធិបតីសហរដ្ឋអាមេរិក លោក Joe Biden ដើម្បីបញ្ជាក់ពីភាពរឹងមាំនៃសម្ព័ន្ធភាពជប៉ុន និងសហរដ្ឋអាមេរិក និងបង្ហាញពីកិច្ចសហប្រតិបត្តិការកាន់តែជិតស្និទ្ធរវាងប្រទេសទាំងពីរក្រោមយុទ្ធសាស្រ្តសន្តិសុខ និងការពារជាតិថ្មីរបស់ប្រទេសជប៉ុន ដែលបានអនុម័តនៅក្នុងខែធ្នូ ឆ្នាំ 2022។
ថ្នាក់ដឹកនាំទាំងពីរក៏បានពិភាក្សាអំពីកម្មវិធីនុយក្លេអ៊ែរ និងមីស៊ីលបាលីស្ទីករបស់កូរ៉េខាងជើង ស្របពេលដែលមានការព្រួយបារម្ភជុំវិញសក្តានុពលនៃការសាកល្បងអាវុធនុយក្លេអ៊ែរដោយប្រទេសឯកោមួយនេះ ក៏ដូចជាពិភាក្សាពីការឈ្លានពានរបស់រុស្ស៊ីមកលើអ៊ុយក្រែន ស្ថិរភាពនៅទូទាំងច្រកសមុទ្រតៃវ៉ាន់ បម្រែបម្រួលអាកាសធាតុ និងបញ្ហាសេដ្ឋកិច្ចជាដើម។
ដំណើរទស្សនកិច្ចនៅសហរដ្ឋអាមេរិកគឺជាផ្នែកមួយនៃដំណើរទស្សនកិច្ចរបស់លោក Kishida ទៅកាន់ប្រទេសភាគច្រើននៃប្រទេសទាំងប្រាំពីរផ្សេងទៀត។ ប្រទេសជប៉ុនគឺជាប្រធាននៃអង្គការនៃបណ្តាប្រទេសឧស្សាហកម្មធំៗ ក្នុងឆ្នាំ 2023 រួមទាំងធ្វើជាប្រទេសម្ចាស់ផ្ទះនៃកិច្ចប្រជុំកំពូល G-7 នៅទីក្រុងហ៊ីរ៉ូស៊ីម៉ា ក្នុងខែឧសភាផងដែរ។
លោក Kishida បានលើកឡើងថា៖ «យើងនឹងបង្ហាញដល់ពិភពលោកទាំងមូលនូវសម្ព័ន្ធភាពជប៉ុន និងអាមេរិកថាកាន់តែរឹងមាំ ដែលជាចំណុចស្នូលនៃសន្តិសុខ និងការទូតរបស់ជប៉ុន»។ «យើងក៏នឹងបង្ហាញកិច្ចសហប្រតិបត្តិការបន្ថែមទៀតរបស់យើងឆ្ពោះទៅរកការសម្រេចបាននូវឥណ្ឌូប៉ាស៊ីហ្វិកសេរី និងបើកចំហ»។ (រូបភាព៖ នាយករដ្ឋមន្ត្រីជប៉ុន លោក Fumio Kishida ជិះលើរថក្រោះ Type 10 អំឡុងពេលចុះពិនិត្យនៅជំរុំ Asaka របស់កងកម្លាំងស្វ័យការពារជប៉ុនក្នុងទីក្រុងតូក្យូ ក្នុងខែវិច្ឆិកា ឆ្នាំ 2021)។
នៅក្រោមផែនការសន្តិសុខ និងការការពារជាតិថ្មីរបស់ខ្លួន ជប៉ុនកំពុងទិញមីស៊ីល Tomahawks ផលិតដោយសហរដ្ឋអាមេរិករាប់រយគ្រឿង និងមីស៊ីលរយៈចម្ងាយឆ្ងាយផ្សេងទៀត ដើម្បីទប់ស្កាត់ការវាយប្រហារដែលអាចកើតមានភ្លាមៗ ហើយថែមទាំងបង្កើតប្រព័ន្ធការពារនៅភាគនិរតីប្រទេសជប៉ុន ស្របពេលមានការព្រួយបារម្ភកាន់តែខ្លាំងឡើងអំពីគ្រាអាសន្នរបស់តៃវ៉ាន់ផងទៀតនោះ។ The Associated Press
ទស្សនាវដ្តី FORUM បានផ្អាកការបកប្រែអត្ថបទប្រចាំថ្ងៃសម្រាប់គេហទំព័រជាភាសាខ្មែរ។ សូមមើលភាសាដទៃទៀតសម្រាប់ខ្លឹមសារប្រចាំថ្ងៃ។
