បណ្ដាប្រទេសនៅតំបន់ឥណ្ឌូប៉ាស៊ីហ្វិកចាប់ផ្តើមកិច្ចពិភាក្សាពាណិជ្ជកម្មសំខាន់ៗ

រដ្ឋមន្ត្រីសេដ្ឋកិច្ចមកពីបណ្តាប្រទេសនៅតំបន់ឥណ្ឌូប៉ាស៊ីហ្វិកជាងដប់មួយប្រទេសបានចាប់ផ្តើមការចរចានៅខែកញ្ញា កាលពីឆ្នាំ 2022 ស្តីពីកិច្ចខិតខំប្រឹងប្រែងចូលរួមពាណិជ្ជកម្មក្នុងតំបន់ដ៏សំខាន់លើកដំបូងរបស់សហរដ្ឋអាមេរិកក្នុងរយៈពេលជិតមួយទសវត្សរ៍។

អ្នកតំណាងពាណិជ្ជកម្មសហរដ្ឋអាមេរិក លោកស្រី Katherine Tai បានលើកឡើងថា កិច្ចពិភាក្សាក្របខណ្ឌសេដ្ឋកិច្ចឥណ្ឌូប៉ាស៊ីហ្វិកនៅទីក្រុងឡូស​អាន់​ជ័រ​លេស (Los Angeles) រដ្ឋកាលីហ្វ័រញ៉ា មានគោលបំណងដោះស្រាយបញ្ហាប្រឈមនាពេលអនាគត និងការសម្រេចបាន «កំណើនប្រកបដោយចីរភាព និងសមធម៌» នៅក្នុងតំបន់នេះ។

ប្រធានាធិបតីអាមេរិក លោក ចូ បៃឌិន (Joe Biden) បានចាប់ផ្តើមគំនិតផ្តួចផ្តើមនេះក្នុងអំឡុងពេលធ្វើដំណើរទៅកាន់ទីក្រុងតូក្យូកាលពីខែឧសភា ឆ្នាំ 2022។

លោកស្រី Tai ដែលបានដឹកនាំកិច្ចពិភាក្សាជាមួយរដ្ឋមន្ត្រីក្រសួងពាណិជ្ជកម្មអាមេរិក លោក Gina Raimondo បានលើកឡើងថា គំនិតផ្តួចផ្តើមប្រកបដោយមហិច្ឆតានេះគឺបានកំពុងមានដំណើរការ។ កិច្ច​ពិភាក្សា​នោះ​រួម​មាន​រដ្ឋមន្ត្រី​មក​ពី​ប្រទេសអូស្ត្រាលី ប្រ៊ុយណេ ហ្វីជី ឥណ្ឌា ឥណ្ឌូណេស៊ី ជប៉ុន ម៉ាឡេស៊ី នូវែលសេឡង់ ហ៊្វីលីពីន សិង្ហបុរី កូរ៉េ​ខាង​ត្បូង ថៃ និង​វៀតណាម។ រួមគ្នាជាមួយសហរដ្ឋអាមេរិក អ្នកចូលរួមតំណាងឱ្យប្រហែល 40% នៃផលិតផលក្នុងស្រុកសរុបរបស់ពិភពលោក។

លោកស្រី Tai ថ្លែងថា៖ «ក្របខណ្ឌនេះនឹងក្លាយជាគំរូជាប់លាប់សម្រាប់ពិភពលោកក្នុងការអនុវត្តតាម» លោកស្រីបានបន្ថែមទៀតថា វានឹងនាំមកនូវតម្លៃសេដ្ឋកិច្ចសម្រាប់អាជីវកម្មខ្នាតតូច។ លោកស្រី​បាន​បន្ត​ថា គំនិត​ផ្ដួចផ្ដើម​នេះ​នឹង​ផ្តោត​លើ​បញ្ហា​ដូចជា​សេដ្ឋកិច្ច​ឌីជីថល ពលកម្ម បរិស្ថាន កសិកម្ម និង​ពាណិជ្ជកម្ម។ (រូបភាព៖ តំណាងពាណិជ្ជកម្មអាមេរិក លោកស្រី Katherine Tai នៅខាងឆ្វេង និងរដ្ឋមន្ត្រីក្រសួងពាណិជ្ជកម្មអាមេរិកលោក Gina Raimondo ចូលរួមកិច្ចប្រជុំរដ្ឋមន្ត្រីសេដ្ឋកិច្ចឥណ្ឌូប៉ាស៊ីហ្វិកនៅទីក្រុងឡូស​អាន់​ជ័រ​លេស (Los Angeles) រដ្ឋកាលីហ្វ័រញ៉ា ក្នុងខែកញ្ញា ឆ្នាំ 2022។)

លោក Raimondo បានឱ្យដឹងថា គំនិតផ្តួចផ្តើមនេះអាចនាំឱ្យមានខ្សែសង្វាក់ផ្គត់ផ្គង់ដែលមានស្ថិរភាព និងធន់ជាងមុន ខណៈពេលដែលការពន្លឿនការងារលើបច្ចេកវិទ្យាថាមពលស្អាត និងការប្តេជ្ញាចិត្តប្រឆាំងនឹងអំពើពុករលួយដោយលើកឡើងពី «វឌ្ឍនភាពដ៏មិនធម្មតាក្នុងរយៈពេលប៉ុន្មានខែថ្មីៗនេះ»។  សារព័ត៌មាន Reuters

ទស្សនាវដ្តី FORUM បានផ្អាកការបកប្រែអត្ថបទប្រចាំថ្ងៃសម្រាប់គេហទំព័រជាភាសាខ្មែរ។ សូមមើលភាសាដទៃទៀតសម្រាប់ខ្លឹមសារប្រចាំថ្ងៃ។