សម្ពន្ធមិត្តឥណ្ឌូប៉ាស៊ីហ្វិក ដែលជាដៃគូការពារសេរីភាពនៃការធ្វើនាវាចរណ៍

បុគ្គលិករបស់ទស្សនាវដ្តី FORUM

ដើម្បីរក្សាទស្សនៈដែនសមុទ្រសាកល សហរដ្ឋអាមេរិក និងសម្ពន្ធមិត្ត និងដៃគូរបស់ខ្លួនបានរៀបចំខ្លួនដើម្បីការពារដែនទឹកអន្តរជាតិក្នុងសម័យកាលនៃការប្រកួតប្រជែងជាយុទ្ធសាស្ត្ររយៈពេលវែងនេះ។

ក្នុងការសហការជាមួយសម្ពន្ធមិត្ត និងដៃគូ កងកម្លាំងសហរដ្ឋអាមេរិកនឹងការពារសេរីភាពជាតិ និងធ្វើឱ្យមានការខាតបង់ដល់បច្ចាមិត្ដតាមរយៈការបដិសេធដោយស្របច្បាប់នូវការដឹកជញ្ជូនទំនិញសម្រាប់ផ្គត់ផ្គង់សឹកសង្រ្គាមតាមរយៈបណ្តាញទំនាក់ទំនងផ្លូវសមុទ្រ (SLOC) សាកលសំខាន់ៗ។

ការគ្រប់គ្រងដែនសមុទ្រប្រកបដោយប្រសិទ្ធភាព អនុញ្ញាតឱ្យមានសេរីភាពនៃសកម្មភាពនៅទូទាំងដែនទាំងអស់ ដើម្បីរក្សាសិទ្ធិធ្វើនាវាចរណ៍ ការពារការជ្រៀតជ្រែកដោយខុសច្បាប់ និងអាចបដិសេធការប្រើប្រាស់ច្រកសមុទ្ររបស់បច្ចាមិត្ត និងផ្លូវឆ្លងកាត់ដែលចង្អៀតផ្សេងទៀតរវាងមហាសមុទ្រ និងផ្លូវសមុទ្រសំខាន់ៗសម្រាប់ពាណិជ្ជកម្ម យោធា និងគោលបំណងផ្សេងទៀត។

ការការពារបណ្ដាញទំនាក់ទំនងផ្លូវសមុទ្រធានាបានថា ផ្លូវទឹកសំខាន់ៗនៅតែបើកចំហទៅដល់គ្រប់ជាតិសាសន៍សម្រាប់ការធ្វើពាណិជ្ជកម្ម និងសេរីភាពនៃការធ្វើនាវាចរណ៍ និងទទួលបានការការពារពីអរិភាពនិងពាណិជ្ជកម្មដែលមិនមានលក្ខណៈអព្យាក្រឹតនានា

ជាឧទាហរណ៍ បេសកកម្មរបស់កងកម្លាំងស្វ័យការពារដែនសមុទ្រជប៉ុន (JMSDF) ថ្លែងថា៖ «ពាណិជ្ជកម្មរបស់យើងទាមទារស្ថិរភាពនៃសន្តិសុខដែនសមុទ្រ និងសណ្តាប់ធ្នាប់អន្តរជាតិ ដោយសារប្រទេសជប៉ុនពឹងផ្អែកខ្លាំងលើធនធានបរទេស អាហារបរទេស និងទីផ្សារក្រៅប្រទេសដែលពឹងផ្អែកលើខ្សែបណ្ដាញទំនាក់ទំនងសមុទ្រ (SLOC) ជាង 90% នៃពាណិជ្ជកម្មរបស់ខ្លួន។ ទោះបីជាយ៉ាងណាក៏ដោយ មានបញ្ហាប្រឈមចំពោះការប្រើប្រាស់មហាសមុទ្រដោយសេរី និងសេរីភាពនៃការធ្វើនាវាចរណ៍ ដូចជាការអះអាងឯកតោភាគីនៃសិទ្ធិរបស់ប្រទេស ដែលមិនស៊ីសង្វាក់គ្នានឹងសណ្តាប់ធ្នាប់អន្តរជាតិដែលមានស្រាប់ ការកើតឡើងជាញឹកញាប់នៃចោរកម្មសមុទ្រ ភេរវកម្ម និងការរត់ពន្ធនៅសមុទ្រ»។

បេសកកម្មបានចែងថា៖ «កងកម្លាំងស្វ័យការពារដែនសមុទ្រជប៉ុន (JMSDF) ធ្វើការល្បាត និងការឃ្លាំមើល និងការហ្វឹកហ្វឺនជារៀងរាល់ថ្ងៃ ដើម្បីការពារសុវត្ថិភាព និងការប្រើប្រាស់ដោយសេរីនៃមហាសមុទ្រ ដែលជាខ្សែជីវិតរបស់ប្រទេសជប៉ុន ដែលហ៊ុំព័ទ្ធទៅដោយសមុទ្រ»។

ដូចគ្នានេះដែរ ពាណិជ្ជកម្មអន្តរជាតិរបស់អូស្ត្រាលីជាង 95% ធ្វើដំណើរតាមសមុទ្រ។ គោលលទ្ធិរបស់កងទ័ពជើងទឹកអូស្រ្តាលី (RAN) សង្កត់ធ្ងន់លើការគ្រប់គ្រងដែនសមុទ្រថាជា «បុព្វហេតុនាំមុខដ៏សំខាន់សម្រាប់ការសំដែងចេញនូវអំណាចដែនសមុទ្រ ជាពិសេសសម្រាប់ប្រតិបត្តិការដឹកជញ្ជូនតាមសមុទ្រ និងនាវាចរណ៍ និងសម្រាប់ជំនួយដល់កងកម្លាំងដែលកំពុងប្រតិបត្តិការនៅលើឆ្នេរសមុទ្រ»។ ការគ្រប់គ្រងដែនសមុទ្ររួមបញ្ចូលការគ្រប់គ្រងដែនអាកាស ផ្ទៃសមុទ្រ តំបន់ល្វែងបញ្ឈរក្រោមបាតសមុទ្រ តំបន់ និងវិសាលគមអេឡិចត្រូម៉ាញ៉េទិក នេះបើយោងតាមកងទ័ពជើងទឹកអូស្រ្តាលី (RAN)។

ស្របពេលជាមួយគ្នានេះ ជម្រើសជាយុទ្ធសាស្ត្ររបស់កងទ័ពម៉ារីននៃសេវាកម្មបីលើកបោះទីតាំងសេវាកម្មកងទ័ពជើងទឹកអាមេរិក ដែលរួមមានទាំងកងម៉ារីននៃកងទ័ពជើងទឹកអាមេរិក និងកងឆ្មាំឆ្នេរសមុទ្រ ដើម្បីទទួលភាពជោគជ័យនៅក្នុងការប្រកួតប្រជែង វិបត្តិនិងជម្លោះពីមួយថ្ងៃទៅមួយថ្ងៃ ខណៈពេលដែលបង្កើនល្បឿនការអភិវឌ្ឍកងទ័ពជើងទឹកគ្រប់ដែនទាំងអស់។

ដោយមើលឃើញពីតម្លៃរួមរបស់ពួកគេ កងកម្លាំងសម្ពន្ធមិត្ត និងដៃគូកំពុងប្រតិបត្តិការរួមគ្នាដើម្បីប្រឆាំងនឹងការប៉ុនប៉ងក្នុងការបំផ្លាញការគ្រប់គ្រងដែនសមុទ្រអន្តរជាតិ បដិសេធការចូលទៅកាន់មជ្ឈមណ្ឌលដឹកជញ្ជូន និងរារាំងសេរីភាពនៃដែនសមុទ្រ។

ជាពិសេស សាធារណរដ្ឋប្រជាមានិតចិន (PRC) បន្តគំរាមកំហែង និងបំភិតបំភ័យដល់បណ្តាប្រទេសនៅក្នុងសមុទ្រចិនខាងត្បូង ដោយធ្វើការទាមទារយកដែនសមុទ្រហួសហេតុ ព្រមទាំងការកសាងកោះសិប្បនិម្មិត និងប៉ុស្តិ៍យោធានៅក្នុងដែនដីដែលមានជម្លោះ។ សាធារណរដ្ឋប្រជាមានិតចិនក៏បានជ្រៀតជ្រែកម្តងហើយម្តងទៀតជាមួយនឹងទូកនេសាទវៀតណាម និងជាមួយនឹងបេសកកម្មផ្គត់ផ្គង់របស់ហ៊្វីលីពីនទៅកាន់ Scarborough Shoal ក្នុងតំបន់សេដ្ឋកិច្ចផ្តាច់មុខរបស់ទីក្រុងម៉ានីល។ សមុទ្រចិនខាងត្បូងផ្តល់ផ្លូវពាណិជ្ជកម្មដ៏សំខាន់សម្រាប់ប្រទេសឥណ្ឌូណេស៊ី ជប៉ុន សិង្ហបុរី និងកូរ៉េខាងត្បូង។

ការរិះគន់សកម្មភាពខុសច្បាប់រារាំងការខូចខាតនៃដែនសមុទ្រ។

ការយល់ដឹងអំពីច្បាប់អន្តរជាតិដែលពង្រឹងដល់ការគ្រប់គ្រងសមុទ្រជួយកំណត់អត្តសញ្ញាណ និងបំភ្លឺនៅពេលដែលការប៉ុនប៉ងដើម្បីអនុវត្តការគ្រប់គ្រងសមុទ្រគឺផ្ទុយនឹងច្បាប់អន្តរជាតិ ដូចជានៅពេលដែលរដ្ឋណាមួយជ្រៀតជ្រែកដោយខុសច្បាប់ជាមួយនឹងសិទ្ធិតំបន់សេដ្ឋកិច្ចផ្តាច់មុខរបស់រដ្ឋដទៃទៀត អះអាងការទាមទារដែនសមុទ្រហួសហេតុ ឬបណ្តាលឱ្យមានអន្តរកម្មដ៏គ្រោះថ្នាក់ជាមួយនឹងនាវា និងយន្តហោះបរទេស ដែលកំពុងប្រតិបត្តិការដោយស្របច្បាប់នៅក្នុងដែនទឹក និងដែនអាកាសអន្តរជាតិ។

ទីបញ្ជាការដ្ឋានតំបន់ឥណ្ឌូប៉ាស៊ីហ្វិករបស់អាមេរិក (USINDOPACOM) និងកងកម្លាំងសម្ពន្ធមិត្ត និងដៃគូបានបង្កើនកិច្ចសហប្រតិបត្តិការដែនសមុទ្រតាមរយៈការពង្រឹងកិច្ចព្រមព្រៀងការពារជាតិ និងសកម្មភាពរួមគ្នា។ សមយុទ្ធកងទ័ពជើងទឹកពហុជាតិសាសន៍ ដូចជាសមយុទ្ធ Malabar សមយុទ្ធ Rim of the Pacific (RIMPAC) និងកិច្ចសហប្រតិបត្តិការ និងការហ្វឹកហ្វឺនអាស៊ីអាគ្នេយ៍ (SEACAT) ពង្រឹងអន្តរប្រតិបត្តិការ និងភាពជាដៃគូ។ (រូបភាព៖ ប្រតិបត្តិករឥណ្ឌា ជប៉ុន និងសហរដ្ឋអាមេរិក ធ្វើសមយុទ្ធស្វែងរក និងរឹបអូសក្នុងអំឡុងពេលនៃសមយុទ្ធ Malabar ប្រចាំឆ្នាំ 2022 នៅទីក្រុង Yokosuka ប្រទេសជប៉ុន។)

បណ្ដាប្រទេសដែលមានគំនិតដូចគ្នាក៏កំពុងតែធ្វើការជាមួយគ្នាដើម្បីធានានូវចលនានាវាចរណ៍ រួមទាំងការធ្វើដំណើរដោយមានសេរីភាពនៃការធ្វើនាវាចរណ៍តាមទម្លាប់ឆ្លងកាត់ច្រកសមុទ្រម៉ាឡាកា និងតៃវ៉ាន់ និងសមុទ្រចិនខាងកើត និងសមុទ្រចិនខាងត្បូង ដើម្បីទប់ស្កាត់ការប៉ុនប៉ងក្នុងការគ្រប់គ្រងដោយខុសច្បាប់នូវចំណុចកាត់ផ្ដាច់ និងខ្សែបណ្តាញទំនាក់ទំនងសមុទ្រ (SLOC)។ កាលពីឆ្នាំមុនសាធារណរដ្ឋប្រជាមានិតចិនបានធ្វើសមយុទ្ធយោធាបង្កហេតុ រួមទាំងនៅច្រកសមុទ្រតៃវ៉ាន់ ដើម្បីរារាំងសេរីភាពនៃការធ្វើនាវាចរណ៍ និងរំខានដល់ការដឹកជញ្ជូនពាណិជ្ជកម្ម។

ការការពារ ខ្សែបណ្ដាញទំនាក់ទំនងសមុទ្រ (SLOC) ក៏ធានាបានផងដែរនូវផ្លូវទឹកសំខាន់ៗដែលត្រូវបានការពារពីអរិភាព និងពាណិជ្ជកម្មខុសច្បាប់ដូចជាការបង្រ្កាប និងការផ្គត់ផ្គង់ផ្នែកយោធាដែលត្រូវបានហាមឃាត់។

កងកម្លាំងសហរដ្ឋអាមេរិកកំពុងតែប្រតិបត្តិការជាមួយនឹងសម្ពន្ធមិត្ត និងដៃគូដើម្បីប្រឆាំងនឹងការប៉ុនប៉ងក្នុងការបំផ្លាញការគ្រប់គ្រងដែនសមុទ្រអន្តរជាតិ និងការរារាំងសេរីភាពនៃដែនសមុទ្រ។ ការលើកកម្ពស់ការយល់ដឹងកាន់តែទូលំទូលាយអំពីច្បាប់អន្តរជាតិដែលពង្រឹងទៅដល់ការគ្រប់គ្រងដែនសមុទ្រ នឹងជួយប្រយុទ្ធប្រឆាំងនឹងការប៉ុនប៉ងដើម្បីជ្រៀតជ្រែកដោយខុសច្បាប់ជាមួយនឹងសិទ្ធិតំបន់សមុទ្ររបស់រដ្ឋដទៃទៀត ឬបង្កឱ្យមានអន្តរកម្មប្រកបដោយគ្រោះថ្នាក់ជាមួយនឹងយន្តហោះបរទេសដែលកំពុងតែប្រតិបត្តិការយ៉ាងស្របច្បាប់នៅក្នុងដែនទឹកអន្តរជាតិក៏ដូចជាដែនអាកាសអន្តរជាតិ។

ប្រភពរូបភាព៖ ចក្របាលរងទោ លោក MACADAM KANE WEISSMAN/កងទ័ពជើងទឹកអាមេរិក